“Jaja, en azoa, wuk doej nog vandage?” “Ja nie tevele” “’t Is ook mo soaj e…” “joatjoat”
* zucht * “Jaja en azoa” … Klienket je bekend voren die converschase?
Moe nie benauwd zien, je goat eindeluk weer twuk te doen en de zoaterdagachternoene, gedoan me tamzakken en chillaxen, de zoaterdagachternoene ga were gevuld zien me nen echte bezigoedinge, SKOETS! Bereid je moa voren ip’t zwoarste van tzwoarste, tvetste van vetste, tvulste van tvulste en tzotste van tzotste joar daj oojt al gezien et in heel junder tot nu toe gin te vette leventje… (of da gon we tog probeern) Junder leidinge ister gerid voren, achter goeie twee maanden oender de groend te leven komn we eindelijk nog ki na butn gekropen… Mo wuk meugdje vandejoare verwachtn? Awel e, ieroender kuj lezen wa da de leidink ut under mouwe geschud eet. Voe de reste tzeste lik ieder joar, je komt assan meje velo, en nin, e twuk da ried ip twee wieln zoender daj moe stampen is gin velo. Assan je uniform an (emde en sjalleke) en skoetskleers. Da zien kleers die vul meugen worden e, de leidinge et da ook bitje loatn afweten, mo me gaan der ook ip letn vandejoare dan we nie in uzze stadskledjes komn. Dus aal mo die versleten jeans me gaten en die botien vanoender de vuligheid, je meug da nog ki andoen voe na de skoets te komn. Voe de reste veel leesplezier …
21-22 JANUARI E NACHTWANDELINGSJEN DOEN 19u00-11u00
Botien, tzeur in junder kietn, zweet ip junder vooroofd, en dangste in junder oogn da wiln we zien deezn nacht. Joat tis me slapinge, dus bringt je matjen en slapzak en die diengen mo mee.
28 JANUARI TROPISCH EILANDJE BEZOEKEN 13u00-17u30
Junder verklaarn junder leidinge vezekes voe zot, mo we meen twel, doe mo je hawaiaans hemde en short an, zunnebril en strooien oed ip je kop. Mo tbelangrijkste je zwemgerief nie vergeten. En e centje damme ton nog gan zegn oevele dat is… (angezien dat nie na Dubai is zat gin driehoenderduusd euro zien)
4 FEBRUARI GONE IN 60 SECONDS 14u00-17u00
Je ga nog nooit geweetn en dajje zovele kostte doen in één minute, kgon ier nie tevele zeggen want tmoe tog bitje surpraajs bluvn e, tenigste wuk dak zeggen is dajje stoaln zenuwn ga moeten en, nie tevele gin klappertanderie of nagelbieterie dus, nie voe zenuwpietjes!
11 FEBRUARI GEEN ACTIVITEIT
18 FEBRUARI SCHAATSEN (5euro) 13u30-17u30
Givers on ice ’s gonna be nice, of oe loptje blauw plekn ip dajje 2 dagen nie ku goan zitten in één scoetsactiviteit, nie vergeten: jenne pas(poort), je centjes: 5 euroos, extra dikke zokken, handschoen en nen dikke biefstuk (voe achteraf ip te gaan zitn e)
25 FEBRUARI BRUXELLE MA BELLE 10u00-17u00
Omdan we allemalle toch wel betje bourgeoisie in us en, gamme ki na de grootstad, tstad van Europa, woa dat geld zit, de kostuumvinten, de dikke auto’s, … en we gon doa echte clochen gaan utangen, oendegroends lik oe dat moet. En nin we gaan nie heeln dag liedjes staan zingen, of fake dolce&gabbana orloges staan verkopen, je gadet we zien!
3 MAART WAFELVERKOOP 9u00-17u00
Ja ut gewente e, eiglik ist allange gin wafelverkoop niemi, mor omda carréconfituurtjesverkoop nie goe bekt, zeggen we voe tgemak wafelverkoop, je wit wa dajje te doen stoat, afkomen en liefst vesch gewasn, in je hele skoetskostuum, (emde + sjalleke)bitje gel in jen hoar voe de joenges, bitje ipgemakt voe de meistjes, en al mor al je smerige verkoopsklaptjes boven voor zovele meuglik te verkopen! (vergit je pic nic nie voe sachternoens en mss twuk voe extra dozen te kun meepakken ip jenne velo )
10 MAART GIVERDAG 19u00-22u00-…
We goan interdistrictionaal, we trekn no Brugge en gan doa spelletje speeln me dandere scoetsen van us district, more info to come!
17 MAART GEEN ACTIVITEIT
24 MAART GIVERSTAGE BIJ KAPOENEN 13u00-17u30
Angezien damme in de scoets wok bitje ipvoedende rolle en (uhum) gom we voe junder nen kleine “stage” doen dan junder eki leern voe nen activiteitjen te doen voe de klein manjes, en zie mo zeker dan ze, gelik junder me junder stagairs doen, tjunder verschikkelijk gon maken, da ga wa voorbereidend werk zien, mo wieder gon junder doa in begeleiden en azo leern alletwee nog twuk
31 MAART ITALJOANS GERECHTJE NAVOND vanaf 14u
Angezien damme uzze eigenste kasse ook bitje moetn sponseren, nin de leiding verdoe nie al junder geld an snoepreizetjes na dubai enal die zukke, mo we moetn bitje spaarzaam zien omda Roel slichte beleid et in één of tander bankaandeel, (twuk van dexia, nog noojs va gehoord) Doamee de spaghetti-avond oeden dus, moe je ga da wel bitje ip voorand oren, want da vergt natuurlik bitje voorbereidienge e, mo je ku dus nu al zegn teegn de bomma ( en de reste vajje famile) danze nen echte italjoanse spaghetti kun komn eetn ip den eendertigste moarte. En at van us afangt ister natuurluk kaffie en toarte at de bomma da vroagt. Junder worden van sachternoens verwacht, de mensen komn voe teten vanaf te vuvn nalf, mo alle details ierover gojja wel nog oarn van us
7 APRIL TECHNIEKENDAG 14u00-17u00
We gon nogki de MacGyver gon utangen (voe dedé die da nie ken das serie ut de joarn tachentig je moe da mor eki tsjekken ip joetsjoep), en nog ki zwoar sjorringse leggen e. Bereidje dus moa voorn danjen andjes gon openliggen e, vergit je zakmes nie!
14 APRIL GEEN ACTIVITEIT
21-22 APRIL E SPELLEKE OELANGE MOET DA DEUREN, AWE 24 EUREN! (14u00-14u00 de dag erop)
Jajoat kiekedroad, jet al goe gelezen, v i e r e n t w i e n t i g e u r e n –spel, vergitje zaklampe, slapzak, mss vesche zokken en tshirtje zoe ook gin kwoadkun, poar lieters kaffie voe wakker te bluvn, want tgoa ard worden, kei ard!
28 APRIL SENSUAL
Oender leidinge vant sensual coconut team, en omda junder doa tog ook bitje wilde an elpen, meugen junder komn elpen voe den ipzet van uus bescheiden scoetsfuiftjen da vandejoare vezekes we ga boomen, en verre tnieuwe tommorowland ga wordn (of mss toch allene mo in uzze stoetste droomn) d’euren kriegen junder nog medegedeeld deur SC team en da goa ip de site komn en ip de ‘sociale’ media
5 MEI BLUEBERRYHILL
Uzze liefste leider Eerhard was allange ant zagen (vooral late ip den avond achter bitje te bluvn plakn) voe eki na den blueberryhill te goen, en wieder mo zwiegt nog tog ki over dien blauw besn toestanden, je zoe beter in je bedde krupn (dien bewusten avond) Mo omdatie nie te stoppen was, emme achter nende toch geplooid, DUS we goan na blueberry hill … Wuk damme doa gan doen? Eweja dak et zelve nie weetn, blueberryhillen zekere? De uurtjes en al de reste komn zo zere meugeliks want da zien doa bleikboar nog nie de gemakelikste ip diene bleuberry hill doare.
12 MEI MIENGELEN 14u00-17u00
Oender tmotto e bitje miengeln ku nooit gin kwoad, en Lies en wouter brokke an partnerruil gedoan, mo vooral an uzze scoetspartnersruil (junder) dus. We gan dus spellekes speeln me andere scoets. Weest u allen aanwezig voe te toogn wien datter meest hardcore scoets is.
13 MEI VLAGGE (TOT 18 MEI) 14u00-15u00
Epic vlaggenspel start vandage, tussen de tween en te drien legn we junder de reglementen ut en kriegdje junder vlagge mee. Al den utleg van stpel kriegdje dus te oorn, afkomn dus!
19 MEI BEKING EXPRESS 19u00-23u00
Tis topen dat were bitje meezit, dan we nogki volledig kun losgehen en tzalige sop van de beken, Vergeet gin vulle kleers an ten, en reservekleers mee ten, voe de reste e grote porsche utoedingsvermeugn en e waterdicht zaklamptje (of zukkintje voe ip jen oafd te zetten) zoet ook wel eki van passe komn. Vanavond gon we dechte van de nie zoa echte oenderscheidn.
26 MEI bear GRILLs night! 19u00-24u00
Een schoon jaar schoon eindigen is toch wel moeilijk met Beking Express. Plus, we kunnen er niet genoeg van krijgen, plus-plus, jullie hadden nog ene van ons tegoed! Daarom eindigen we het jaar zoals het hoort met een BBQ’tje.
Weest daarom present om 19.00 uur aan de lokalen, met de fiets (belangrijk). Wat nemen jullie nog mee: vlees naar bekoren en 3 eurokes voor brood, sla, patatjes, een aperitiefke,… Om jullie dorst te lessen pakken jullie best nog wat zakgeld extra mee!
Aansluitend op de BBQ is er nog de mogelijkheid tot een gezellig kampvuur voor zij die willen (en mogen) tot 24u00.
——————————————————————————————-
Als gieder vragen ebt, je wit eus te viendn é!
Gertjan aka Otter, Roel aka Snoek, Lies aka Fuut, Eerhard aka Gibbon & Wouter aka Arend
Recente Reacties